التعرف على فرسان وفارسات الخليج

شرايكم بهالموضوع نتعرف بفرسانا وفارساتنا واللي يحبون هالهوايه (اعمارهم وبلدهم والنشاطات اللي قاموا فيها وكل واحد يقول شلون كانت بدايته وشنو استفاد من ممارسه هذي الهوايه والمصاعب اللي مر فيها ) واي اضافه تحبون تضيفونها لنا


والحين نبدي فيني

اسمي توتا



كويتيه وافتخر

اعشق الفروسيه من الطفوله لانها تجري بدمي ولكن بديت بالفتره الاخيره بجديه واستمريت لان من المعروف ان هذي الهوايه مبنيه على الممارسه والقى فيها كل شي الراحه والمتعه والقوه والشجاعه واكتساب ثقتي بنفسي واللياقه ومصاحبه كائن جميييل وحساس والكثييير
وبعد كنت اعاني من رفض البعض من اهلي وعدم اهتمامهم بتنميه هوايتي وممارستنا بس اصريييت واشتركت بنادي فروسيه وتعلمت وانا فخوره بنفسي واستفدت اني اقضي وقت فراغي بشي احبه ويفيدني مع اني تعبت في البدايه بس كنت استمتع بالالم اللي احس فيه من كثر التدريب والتمرينات لكن حلو الشي ان الواحد يتعب عشان يوصل حق اللي يبيه ... وحتى لو كنت متضايقه او مريضه اروح هناك وانسى كل شي


يله كل واحد يشرفنا ويعرفنا بنفسه